Ons kliënt, ’n jong en dinamiese konstruksiemaatskappy geleë in die Stellenbosch area, beskik tans oor die onderstaande vakature Junior Konstruksiebestuurder/ Terreinagent Ons benodig die dienste van 'n self gemotiveerde persoon met goeie kommunikasievaardighede in beide Afrikaans en Engels en wat goed met mense op alle vlakke kan kommunikeer om verantwoordelikheid te aanvaar op bouprojekte waarby die firma betrokke is. ’n Relevante tersiêre kwalifikasie en 2 tot 4 jaar ondervinding in die boubedryf, asook rekenaarvaardigheid is voorvereistes vir die pos. Pligte behels onder andere skakeling met konsultante en kliënte, bestuur en koördinering van sub-kontrakteurs, bestuur en beheer van materiaal en toerusting, koste-effektiewe beheer van bouprojekte, toepas van kwaliteitsbeheer en veiligheid en alle ander verwante take. In ruil vir jou bydrae bied ons kliënt ’n mededingende vergoedingspakket aan. Doen asseblief aanlyn aansoek by www.m3humancapital.co.za voor 09:00 op 8 Desember 2016. Diensaanvaarding: So spoedig moontlik. NS: Indien u geen terugvoering binne 2 weke na die sluitingsdatum vir aansoeke ontvang nie, kan u aanvaar dat u aansoek onsuksesvol was.